نئی دہلی، 29؍جون(ایس او نیوز؍آئی این ایس انڈیا )مختار انصاری کی پارٹی کے ساتھ وابستگی کو لے کر ایس پی کے بدلتے رخ کو’’ڈرامہ‘‘قرار دیتے بی جے پی نے آج کہا کہ اس کا مقصد متھرا اور کیرانہ کے واقعات کو لے کر پارٹی پر لگے داغ کو دھونا ہے۔بی جے پی نے کہا کہ اترپردیش کے وزیراعلیٰ اکھلیش یادو اور ان کی پارٹی اپنی حکومت کے ناکام رہنے کے بعد اپنی شبیہ کو بہتر بنانے کیلئے ’’ناکام ڈرامہ‘‘کے قواعد میں لگی ہوئی ہے۔بی جے پی کے قومی سکریٹری سری کانت شرما نے نامہ نگاروں سے کہاکہ ہم نے اس کے انضمام کودیکھااوراس کے بعداس کو مسترد کرنے کے فیصلے کے ساتھ ایک کابینہ وزیر کوبرخاست کرنے اور پھر انہیں حکومت میں شامل کرنے کودیکھا۔یہ سب اور کچھ نہیں بلکہ ایک ڈرامہ ہے جو متھرا اور کیرانہ کے دھبوں کو دھونے کی اسکرپٹ کا حصہ ہے۔انہوں نے الزام لگایا کہ اتر پردیش مافیا اور حکومت کے اتحاد سے متاثر ہے اور اس تناظر میں دو واقعات کو مثال کے طور پر پیش کیا۔متھرامیں جہاں زمین پر قبضہ کرنے والوں سے جدوجہد میں دو پولیس افسران سمیت29افراد ہلاک ہو گئے تھے، وہیں بی جے پی نے الزام لگایا ہے کہ کیرانہ سے لوگوں کو فرار کرنے پر مجبور ہونا پڑ رہا ہے۔شرما نے الزام لگایاکہ اکھلیش یادو تمام محاذپرناکام رہے ہیں۔اب ہم شبیہ کو بڑھانے کیلئے مارکیٹنگ قواعد کو دیکھ رہے ہیں۔یہ ناکام کوشش ہے۔قابل ذکرہے کہ انصاری کے قومی ایکما پارٹی کا ایس پی میں انضمام ہوگیاتھالیکن بعد میں وزیراعلیٰ اکھلیش یادو کی دکھ کی وجہ سے اس اقدام کوختم کر دیا گیا۔